2004-жылдын 2-апрелиндеги  «Кыргыз Республикасынын мамлекеттик тили жөнүндө» Кыргыз Республикасынын мыйзамынын, 2011-жылдын 22-апрелиндеги Жогорку Кеңештин Кыргыз Республикасынын мамлекеттик тили жөнүндө» мыйзамын ишке ашыруу нормалары боюнча комплекстүү иш-чаралар тууралуу  №54 Токтомуна ылайык, «Кыргыз Республикасынын ЖОЖдорунун кафедрасы жөнүндө Жобого ылайык 2017-жылдын 27-январында М.К.Ахунбаев атындагы КММАнын Окумуштуулар кеңешинин чечими менен кыргыз, орус тилдер кафедрасынын курамынан  бөлүнүп, кыргыз тили өзүнчө кафедра катары негизделип, п.и.к.доцент Абдырасулова Э.К. кафедра башчысы болуп бекитилген.

Кафедрада 1 п.и.д. профессор, 3 п.и.к., доцент, 2 ф.и.к., 1 улук окутуучу, 5 окутуучу, 1 улук лаборант  эмгектенет.

Кыргыз Республикасынын Билим берүү жана илим министрлигинин 2012-жылдын 14-майындагы №70 буйругу менен бекитилген жогорку кесиптик билим берүүчү мамлекеттик стандарттын 3-муунуна ылайык адистер үчүн  кафедра башчысы, п.и.к., доцент Э.К.Абдырасулова жана кафедранын окутуучулук курамы тарабынан программалар түзүлүп, бардык факультеттин окуу-усулдук профилдик комитеттеринин отурумунан бекитилди. Анын негизинде кафедра «Улуттук баалуулуктар аркылуу кесипкөй адисти даярдоо» аттуу окуу-усулдук теманын үстүндө иш жүргүзүп келет. Кафедранын мүчөлөрү мамлекеттик тил боюнча ЖОЖдор аралык олимпиадаларга, фестивалдарга, усулдук семинарларга, эссе сынактарына жигердүү катышып, байгелүү орундарды камсыздап диплом, тастыктамаларга ээ болуп келишет.

Кыргыз тили кафедрасынын жамааты жыл сайын өткөрүлүүчү КММАнын Илим күндөрүндө «Мамлекеттик тилдин медицинадагы актуалдуу маселелери» аттуу теманын алкагында жогорку окуу жайлар аралык илимий-тажрыйбалык конференцияны үзгүлтүксүз өткөрүп келет. Мындан тышкары кафедранын окутуучулары эл аралык, республикалык деңгээлдеги илимий-тажрыйбалык конференцияларга байма-бай катышып, кесиптик чеберчилигин, усулдук тажрыйбасын өнүктүрүүнүн үстүндө тынымсыз иш жүргүзүп келишет.

Кыргыз тилин  жогорку окуу жайларында окутуу маселеси улам мезгил өткөн сайын учурдун социалдык суроо-талаптарына, зарылдыктарына жаңы маселелерди пайда кылууда. Мамлекеттик тилди жогорку окуу жайларында студенттин адистигине ыңгайлаштыруу багытында окутуу талабы коюлууда. Студенттин адистигине таандык багытта окутуу сабактын түзүлүшүн жаңыча уюштурууну талап кылган, татаал, жоопкерчиликтүү, чыгармачылык менен изденип иш алып баруучу түйшүктүү эмгек экени байкалууда. Бул багытта кыргыз тили кафедрасынын окутуучулары тарабынан бир топ алгылыктуу иштер жүргүзүлүп, окуу программалар даярдалып, анын негизинде түзүлгөн окуу китептери жарык көрүүдө.

Алгачкы жолу тилдерди үйрөтүү багытында  1974-жылы  медициналык институтта  орус тили   кафедрасы  түзүлгөн. 2002-жылы орус,  кыргыз жана чет тилдери  кошулуп  тилдер кафедрасы деп аталып, ф.и.к. Койчуманова Н.М. кафедра башчысы болгон. 2005-жылы  кыргыз, орус тилдери  өзүнчө,  латын жана чет тилдери өзүнчө кафедра болуп кайрадан түзүлгөн. 2017-жылы   кыргыз, орус тилдер кафедрасынын курамынан кыргыз тили  бөлүнүп, кафедранын  башчылыгына  п.и.к., доцент, РТИА профессору  Абдырасулова Э.К. бекитилген.

• Кыргыз тили эне тили катары
• Кыргыз тили чет тили катары

 Кыргыз Республикасынын Билим берүү жана илим министрлигинин 2012-жылдын 14-майындагы №70 буйругу менен бекитилген жогорку кесиптик билим берүүчү мамлекеттик стандарттын 3-муунуна ылайык адистиктер үчүн багытталган программалар кафедра башчысы, п.и.к., доцент Э.К.Абдырасулова жана кафедранын окутуучулук курамы тарабынан түзүлүп, бардык факультеттин окуу-усулдук профилдик комитеттеринин отурумунан бекитилди. Анын негизинде кафедра «Улуттук баалуулуктар аркылуу кесипкөй адисти даярдоо» аттуу окуу-усулдук теманын үстүндө иш жүргүзүп келет.

Кыргыз тили кафедрасынын алдында мамлекеттик  тилди  деңгээлдер боюнча окутуу курсу ачылган. Бүгүнкү күндө И.К.Ахунбаев атындагы КММАнын бардык кафедраларынын  окутуучулары курстан өтүп, тастыктамага ээ болушууда.

Кафедра 2017-жылы өз алдынча бөлүнгөндөн кийин илимий-изилдөө иштери “Улуттук баалуулуктар аркылуу кесипкөй адисти даярдоо” темасынын алкагында жүргүзүлөт. Бул жылдардын аралыгында 1 кандидаттык иш корголуп, филология илимдеринин   кандидаты илимий даражасына ээ болду.  Эки кандидаттык иш  коргоо алдында турат. Ар бир окутуучу  кандидаттык  ишинин  темасын бекитип, анын үстүндө  иштеп жатышат. Эл аралык, ЖОЖдор аралык өтүлүүчү  илимий-теориялык, илимий-практикалык  конференцияларга, ар кандай усулдук семинарларга, квалификацияны  жогорулатуучу   курстарга  тынымсыз катышып келишүүдө. ЖОЖдор, мектептер   үчүн  окуу китептерин, окуу – усулдук куралдарын түзүп, кафедранын  илимий темасы боюнча усулдук семинарларды  өткөрүп  келишет.

Кафедранын  окутуучулары студенттерге мыкты билим берүү менен кыргыз филологиясы, педагогика илимине барандуу салым кошуп, фундаменталдуу илимий эмгектерди жаратышууда. Бул жакшы салт бүгүнкү күндө улантылып жатат десек жаӊылышпайбыз.

Кафедранын эл аралык ишмердүүлүгү эмгек рыногунда атаандаштыкка жөндөмдүү, жогорку компетенттүү адистерди даярдоо процессиндеги маанилүү этап болуп саналат.

Эл аралык ишмердүүлүк төмөнкүдөй маанилүү маселелерди чечүүгө багытталган:

- эл аралык билим берүү программаларын ишке ашыруу

- студенттердин эл аралык мобилдүүлүгүн өнүктүрүү

- кафедранын чет өлкөлүк ЖОЖдор менен илимий жана билим берүү 

   байланыштарын түзүү

- кафедранын профессордук-окутуучу курамынын жана студенттердин эл

 аралык конференция, семинар, вебинар,тренингдерге жана башка билим

 берүү долбоорлоруна катышуусу

Кафедранын профессордук-окутуучулар курамы Казакстан педагогика илимдер академиясы, Абай атындагы Казак улуттук педагогикалык университети, Назарбаев университети (Нур – Султан),  Бельгия билим берүү кеңеши,  Байтурсынов атындагы Костанай мамлекеттик университети, Абай  Мырзахметов атындагы Кокшетау университети, Россия табигый илимдер академиясы (Москва), Улуу Британиянын  Бонмут университеттери менен  эл аралык конференция, вебинар, семинар, тренингдерге жана башка билим берүү долбоорлоруна активдүү катышып келишет.