1942-жылы жугуштуу оорулар кафедрасы түзүлгөн. Биринчи кафедра башчысы Леонид Исаевич Фланчик (1942 - 1945) болгон. 1946-жылдан 1950-жылга чейин кафедраны доцент П. Г.Голдфельд, профессор Б. Н.Рубинштейн, профессор Н. И. Шварц башкарган. Л.И.Фланчик, доцент П. Г. Голдфелд, профессор Б. Н Рубинштейн, профессор Н. И. Шварц Кыргыз мамлекеттик медициналык институтунда иштеген мезгилдеринде (1942-1950-жж.) жугуштуу оорулар кафедрасынын калыптанышына көп күч-аракет жумшашкан.

Алексеев П.А. жетектеген кафедранын коллективи

Кафедранын тарыхындагы принципиалдуу маанилүү этап болуп жугуштуу оорулар кафедрасынын башчысы кызматына медицина илимдеринин доктору, профессор, Улуу Ата Мекендик согуштун катышуучусу Алексеев Петр Антоновичтин (1960-1991 - жж.) шайланышы эсептелинет. 1960-жылы Кыргыз мамлекеттик медициналык институтунун жугуштуу оорулар кафедрасын жетектөөгө сынак аркылуу келип, аны 1991-жылга чейин жетектеген. Кафедранын илимий ишмердүүлүгүнүн негизги багыттары ичеги жана зооноздук инфекциялардын агымынын чектик жана курактык өзгөчөлүктөрүн, табигый-климаттык, социалдык факторлордун алардын жүрүшүнө тийгизген таасирин, биоценотикалык жана аутоиммундук жылыштарды жана алардын инфекциялык процесстеги патогенетикалык ролун изилдөө болуп саналат. Изилдөө Ич келте, гепатит, дизентерия, грипп, менингококк инфекциясы, күйдүргү, кутурма менен ооругандарга  жүргүзүлгөн. Ошол жылдардагы кафедранын илимий кызыкчылыктары Р.К. Суранчиева, А. Б. Байгелдиева, М.Г. Глазунова, К. Д. Джанова, Те В. Е., А. Б. Сыдыкова, П.А. Абдыкаимова жана В.И. Емельянованын диссертациялык иштеринде чагылдырылган. 

П.А. Алексеевдин жетекчилиги астында 2 доктордук жана 10 кандидаттык диссертация жакталып, 6 илимий-практикалык эмгектердин жыйнагы басылып чыккан жана 200дөн ашык илимий макалалар жарыяланган. Кафедранын илимий изилдөөлөрүнүн жыйынтыгы боюнча СССРдин саламаттык сактоо министрлиги тарабынан практикалык саламаттык сактоо үчүн сунушталган жугуштуу оорулардын жаңы дарылоо-диагностикалык ыкмалары киргизилген.

доцент В. Е. Тё жетектеген кафедранын коллективи

1992-2005-жылдары профессор В. Е. Те жугуштуу оорулар кафедрасын жетектеген.

Те Владислав Евгеньевич-КР инфекциялык кызматынын өнүгүшүнө олуттуу салым кошкон ири окумуштуу жана таланттуу клиник. 1973-жылы Те В. Е. "дисбактериоздун татаалдашпаган жүрүшү жана белгилери менен курч дизентерия оорулууларындагы аутоиммундук процесстер"темасында кандидаттык диссертациясын ийгиликтүү жактаган. 1992-жылдан баштап жугуштуу оорулар кафедрасын жетектеген. Педагогдун жана дарыгердин өзгөчө таланты, өзүнүн билимин жана тажрыйбасын жаштарга марттык менен өткөрүп берген насаатчынын акылмандыгы, жогорку кадыр-баркы В.Е.Тего бекем, ынтымактуу жана иштиктүү жамаатты тарбиялоого мүмкүндүк берди: проф. Алымбаева Д. Б., проф. Кутманова А.З., доц. Сыдыкова А. Б., асс. Айткулуев Н. С., доц. Джумагулова А. Ш., асс. Абдыкеримов М. М., асс. Мурзалиева Г. А., Русин А. и., Колесник О. Н., Радченко Е. А.   

Тё В.Е кафедра башчысы болуп турган мезгилде 2 доктордук жана 4 кандидаттык диссертация жакталган, анын ичинен 2 кандидаттык диссертация анын түздөн - түз жетекчилиги астында. Доцент Те В. Е. жугуштуу оорулар кафедрасынын кызматкерлери менен бирге жугуштуу оорулар менен күрөшүүдө саламаттык сактоо органдарына жардам көрсөтүү боюнча чоң иштерди жүргүзгөн.

Проф.Кутманова А.З жетектеген кафедранын коллективи

2005-2010-жылдары жугуштуу оорулар кафедрасын профессор А.З. Кутманова жетектеген. Кутманова А.Знын жетекчилиги астында кафедранын жамааты тарабынан аткарылган иштердин олуттуу саны жалпыланган зооноздук хламидиоздун (А. А. Буранчиева), балдардагы бруцеллездун (К. А. Ногойбаева) клиникалык-эпидемиологиялык өзгөчөлүктөрүн, безгектин кайтып келүү шарттарында клиникалык агымынын өзгөчөлүктөрүн изилдөөгө арналган (Те В. Е., А. Ш. Джумагулова) Кафедра  Борбор Азиянын жугуштуу оорулар боюнча эл аралык конгрессин даярдоого жана өткөрүүгө чоң салым кошкон, ага Түркия, Россия, Германия, АКШ, Казакстандан келген окумуштуулар катышкан.  Анын жетекчилиги астында кафедрада бул мезгилде 3 кандидаттык диссертация жакталган.

Джумагулова А.Ш. жетектеген кафедранын коллективи

2010-жылдан баштап жугуштуу оорулар кафедрасын м.и.к., доцент Джумагулова Анара Шамшидиновна жетектеп келет, жана бул мезгилде кафедра жогорку деңгээлдеги окуу-методикалык, илимий жана медициналык иш менен КММАнын ийгиликтүү бөлүмдөрүнүн бирине айланды. Учурда кафедрада жогорку квалификациялуу адистер жана тажрыйбалуу окутуучулар эмгектенет.Алародын катарында д.м.н. Суранбаева Г.С., к.м.н. Анарбаева Ж.А, асс. Фесенко Н.В., Саркина А.К., Муканбеткеримова Г.М.,  Шолпанбай у. М,  Эргешова А.Б.,  Макембаева Ж.И.,  Абдыбачаева М.М., Омонов И.К.,  Сагындыкова А.К.

2023-жылдын 8-декабрында Жугуштуу оорулар кафедрасы кафедранын 80 жылдыгына арналган “Жугуштуу оорулардын заманбап көйгөйлөрү” аттуу эл аралык илимий-практикалык конференция өткөрүлдү.

Жугуштуу оорулар дисциплинасы боюнча кафедрада бардык факультеттердин студенттери, анын ичинде англис тилинде да билим алышат.

1. 5-курс Дарылоо иши (9–10-семестр, сынак)
2. 6-курс Дарылоо иши (11–12-семестр, өтүм)
3. 5-курс Англис тилинде окутулган дарылоо иши (9-семестр, сынак)
4. 5-курс Педиатрия (9–10-семестр, сынак)
5. 5-курс Медициналык алдын алуу иши (9–10-семестр, сынак)
6. 4-курс Стоматология (7-семестр, өтүм)
7. Жогорку медициналык айымдык билим берүү – 2 - 4-курстар (4-, 6-, 8-семестрлер, өтүм)

Кафедранын негизги багыттарынын бири — билим берүү процессинин сапатын жана натыйжалуулугун жогорулатуу, студенттерди окутууда инновациялык технологияларды киргизүү болуп саналат. Кафедрада окуу дискуссиясы, чакан топтордо иштөө, ишкердик оюндар, клиникалык учурлар жана башка сыяктуу окутуунун активдүү ыкмалары колдонулат.

Онлайн лекция Джумагуловой А.Ш.

Лекция Джумагуловой А.Ш.

КММАнын тестирлөө жана клиникалык көндүмдөрдү

онүктүрүү борборунда практикалык сабак       

Оорулуунун жанында практикалык көндүмдөр

          2010-жылдан бери студенттер жана клиникалык ординаторлор үчүн 20дан ашык методикалык сунуштама жана 3 окуу куралы, анын ичинде кыргыз жана чет тилдеринде жарык көргөн.            Кафедранын ири жетишкендиктеринин бири — доцент А.Б. Сыдыкова тарабынан алгачкы кыргыз тилинде жазылган «Жугуштуу оорулар» окуу китебинин басылып чыгышы. (2019-жылы кайрадан басылып чыккан). Кафедрада ошондой эле «Жугуштуу оорулар» адистиги боюнча клиникалык ординаторлор билим алышат жана жыл сайын 10–12 ординатор бүтүрүп чыгат. 2025–2026-окуу жылында 19 клиникалык ординатор билим алууда.

Кафедрада илимий ишмердүүлүк багыт осүүдө. Негизги багыт — жугуштуу ооруларды комплекстүү изилдөө жана жугуштуу оорулардын жаш курактык өзгөчөлүктөрүн, клиникалык көрүнүштөрүн, татаалдашууларын, дарылоону жана алдын алууну баалоо боюнча илимий негизделген ыкмаларды иштеп чыгуу болуп саналат. Изилдөөлөр төмөнкү темалар боюнча жүргүзүлүүдө:

• Кыргыз Республикасында кене аркылуу жугуучу жугуштуу оорулардын клиникалык, эпидемиологиялык жана иммунологиялык мүнөздөмөсү
• Тилменин клиникалык, иммунологиялык мүнөздөмөсү жана дарылоо-алдын алуу иш-чараларынын коррекциясы
• Кыргыз Республикасында эпидемиялык очок мезгилинде чоңдордогу кызамыктын клиникалык жана диагностикалык аспектилери
• Кыргыз Республикасында медициналык кызматкерлердеги COVID-19 инфекциясынын клиникалык жана лабораториялык мүнөздөмөсү
• Эркектердеги АИЖВ-жугуштуу оорулар клиникалык лабораториялык өзгөчөлүктөрү, ошондой эле АИЖВ-жугуштуу оорусу бар бейтаптарда С вирустук гепатитине каршы антивирустук терапиянын натыйжалуулугу
• Менингококк жугуштуу оорусунун генерализацияланган формаларынын жаш курактык аспектилери
• Кыргыз Республикасында В, С жана D өнөкөт вирустук гепатиттеринин узак мөөнөттүү кесепеттери

 Аспиранттардын жана жаш окумуштуулардын изилдөөлөрү алдыңкы профессорлор — Г.С. Суранбаева, А.З. Кутманова, М.М. Абдикеримов менен тыгыз кызматташтыкта жүргүзүлөт.        2010–2025-жылдар аралыгында кафедранын кызматкерлери тарабынан 80ден ашык илимий макала жана тезистер жарыяланган, анын ичинде РИНЦ базасында (21) жана Scopus базасында (5) чыккан эмгектер бар.        Кафедрада «Конклав-Галена» аттуу илимий-студенттик ийрим иштеп келет жана 2019-жылы «Илимий ийримди мыкты тааныштыруу» номинациясы боюнча сыйланган.

Кафедранын «Конклав-Галена» илимий ийриминин презентациясы

Жыл сайын студенттер КММАнын «Илим күндөрүндө» баяндама жасап, байгелүү орундарды ээлешет.

КММАнын «Илим күндөрү» — 2021–2025-жылдардагы байгелүү орундар:

2021-жыл:

1. I орун жана И.К. Ахунбаев фондунун сыйлыгы: А.М. Досматова 5-курс дарылоо иши факультетинин студенти
2. II орун: Б.Н. Аскерова, С.А. Тойгонбаева 5-курс дарылоо иши факультетинин студенттери
3. II орун: Т. Уланбеков 5-курс дарылоо иши факультетинин студенти

2022-жыл:

1. I орун: А. Даниярова МАИ 5-курсунун студенти
2. II орун: Батырбек кызы А. педиатрия факультетинин 5- курсунун студенти

2023-жыл:

1. II орун: Н. Бабаджанов педиатрия факультетинин 5-курсунун студенти

2024-жыл:

1. II орун: Шабдан кызы З. 2-жылы окуп жаткан ординатор

2025-жыл:

1. I орун жана С. Даниярова фондунун негизги сыйлыгы «Москвага саякат»: О. Даниил педиатрия факультетинин 5-курсунун студенти

Мындан тышкары, «Конклав-Галена» ийриминин студенттери жыл сайын эл аралык олимпиадаларда жана жаш окумуштуулардын эл аралык конференцияларында (Россия, Казакстан, Өзбекстан) байгелүү орундарды ээлешет.

Кафедранын кызматкерлери жугуштуу оорулар боюнча актуалдуу маселелерге арналган эл аралык конференцияларга жана тажрыйба алмашууларга активдүү катышышат: Франция, Анесси (2015), Лондон, Англия, «MAME» (2017), Бразилия, Сан-Пауло, «World Hepatitis Summit» (2017), Өзбекстан, Ургенч (2023), Греция, Афины (2024), Египет, Каир (2024), Индия, Дели (2025), АКШ, Бостон (2025)

А.Ш. Джумагулова Бразилиянын Сан-Пауло шаарында өткөн Дүйнөлүк гепатит саммитине катышкан

Ассистент Г.М. Муканбеткеримова россиянын илимдер академиясынын

академиги, м.и.д., профессор Ю.В. Лобзин менен

Кафедра эл аралык уюмдар менен кызматташат, мисалы:

• Британиядагы Green Shoots Foundation «Medical Assistance and Medical Education» АИЖВ-жугуштуу оорусу боюнча;
• USAID M-RITE долбоору аркылуу Кыргыз Республикасында COVID-19 вакцинациясы боюнча;
• Россиянын ФБУН «Омск облосунун табигый очоктук жугуштуу ооруларды илимий изилдөө институту» (Роспотребнадзор) менен.

Кафедранын кызматкерлери КММА жана Британиядагы «Green Shoots» уюму тарабынан уюштурулган

АИЖВ боюнча эл аралык семинарга катышышкан (2024, 2025-жылдар).

Кафедранын жугуштуу оорулар боюнча илимий потенциалынын жогорку деңгээли жана Кыргызстандагы медициналык илимдин өнүгүшүнө активдүү салымы эл аралык илимий кызматташтыкты туруктуу өнүктүрүү, изилдөөлөрдүн заманбап ыкмаларын колдонуу жана инновациялык технологияларды окутууга киргизүү менен тастыкталат.

Боордун трансплантологиясында жогорку технологиялык жардамдын заманбап ыкмалары.

Профессор Г.С. Суранбаева. Нью-Дели шшары, Индия, 2025-жыл

Шолпанбай уулу М. тажрыйба алмашуу жана инновациялык технологияларды окутуу боюнча, Бостон, АКШ, 2025

2025-жылдын 7-октябрынан 25-октябрна чейин академиялык мобилдүүлүк алкагында Германиядан келген адис (Dr. Sybille Rehmet) менен иш жүргүзүлгөн.

Dr. Sybille Rehmet (Германия) тажрыйба алмашуу учурунда, 2025-жыл

Кафедра Республикалык клиникалык жугуштуу оорулар ооруканасына гана эмес, өлкөнүн башка саламаттык сактоо мекемелерине да уюштуруу-методикалык, кенеш берүү жана дарылоо боюнча чон жардам көрсөтөт. Кафедра клиникалык жана патологиялык анатомиялык конференцияларды регулярдуу өткөрөт, республикалык инфекционист дарыгерлердин аттестациясына, соттук медициналык экспертизаларга жана Саламаттык сактоо министрлигинин башка комиссияларына катышат.

Кафедранын кызматкерлери консилиумга

(Республикалык клиникалык жугуштуу оорулар ооруканасы) катышкан.

Кафедранын кызматкерлери пандемиялык гриппке каршы Улуттук, Кыргыз Республикасында АИЖВ-инфекция эпидемиясын туруктуу башкаруу боюнча Мамлекеттик, вирустук гепатиттерге каршы мақсаттуу программалардын жана башка долбоорлордун иштелип чыгышына катышышкан. Ошондой эле улуттук клиникалык колдонмолорду жана протоколдорду иштеп чыгышкан (АИЖВ-жугуштуу оорулар, вирустук гепатиттер, паразитардык оорулар, ич келте, COVID-19 ж.б.), ошондой эле Кыргыз Республикасынын Саламаттык сактоо министрлигинин көптөгөн жугуштуу оорулардын алдын алуу жана көзөмөлдөө боюнча буйруктарына катышышкан (кара тумоо, сибир жарасы, тырышма, кутурма, темгил келте, маймыл оспасы ж.б.).

Кафедра КММАнын үзгүлтүксүз даярдоо жана дистанциялык окутуу борбору менен биргеликте республиканын дарыгерлери үчүн жугуштуу оорулар боюнча специализация жана квалификацияны жогорулатуу курстарын өткөрөт.

COVID-19 пандемиясына каршы кафедранын ишмердүүлүгү:

Эпидемия башталышы жана республиканын өзгөчө абалы жарыяланышы менен кафедранын кызматкерлери коронавирус жугуштуу оорусуна каршы күрөшүүгө активдүү катышкан. Саламаттык сактоо министрлигинин буйругу боюнча, 2020-жылдын 10-февралынан тартып кафедранын кызматкерлери COVID-19 менен байланышкандар үчүн обсерваторияларда иш жүргүзгөн (РКЖОО, Ганси аскердик базасы, аскердик госпиталь, мейманканалар жана башкалар).

2020-жылдын март айында А.Ш. Джумагулова жана психологдор

Нарын облустук ооруканасынага жардам көрсөтүү үчүн барышкан.

2020-жылы дарыгерлердин бригадасы Ала-Бука аймактык ооруканасына

коронавирус менен ооруган бейтаптарга жардам көрсөтүшкөн

Кафедранын кызматкерлери COVID-19 очокторун жоюуга жөнөтүлгөн алгачкы дарыгерлердин катарында болушкан:

• Ала-Бука району: Шолпанбай уулу М., А.А. Джангазиева
• Алай району: Ж. Б. Ибраева
• Ат-Башы району: А.Ш. Джумагулова

COVID-19 эпидемиясынын бүт мезгилинде кафедранын кызматкерлери «кызыл зонада» коронавирус жуктурган бейтаптар менен иштөөнү улантышкан (2021–2022-жылдар).

А.Ш. Джумагулова COVID-19 диагноз коюу жана дарылоо боюнча убактылуу колдонмолорду иштеп чыгууга катышкан жана саламаттык сактоо министрлигинин COVID-19 боюнча илимий-кеңеш берүү мүчөсү болгон.

Пандемия учурунда кафедранын кызматкерлери дарыгерлер жана ординаторлор үчүн COVID-19 боюнча окутуучу тренинг-семинарларды өткөрүшкөн, катышкан адамдардын саны 1000ден ашык болгон.

Кафедранын жеңиш күнүнө арналган иш-чарасына катышуусу (2024)

Кафедранын «Үмүт» балдар реабилитациялоо борборуна болгон кайрымдуулук сапары (2024, 2025-жж.)

Презентация ко Всемирному дню борьбы со СПИДом, организованная кафедрой и студенческим Сенатом КГМА.

Кафедранын ассистенти И.К. Омонов NTS телеканалына маек берүүдө (2025).

Жугуштуу оорулар кафедрасы карылар үйүнүн аймагын жашылдандырууга жардам көрсөттү

Жугуштуу оорулар кафедрасы кураторлук тобу менен биргеликте Кыргыз Республикасынын Улуттук тарых музейине барды

Педагогикалык, илимий жана дарыгерлик ишмердүүлүктөгү зор ийгиликтери үчүн кафедранын кызматкерлери төмөнкү сыйлыктарга татыган:

• «КММАнын алдындагы сиңирген эмгеги үчүн» медалы – кафедра башчысы А.Ш. Джумагулова (2020-ж.) • И.К. Ахунбаев атындагы КММАнын Ардак грамотасы – кафедра башчысы А.Ш. Джумагулова, ассистенттер Г.М. Муканбеткеримова, Шолпанбай уулу М., А.Б. Эргешова, А.К. Саркина, Г.С. Суранбаева, Ж.А. Анарбаева, М.М. Абдыбачаева, И.К. Омонов (2021–2025-жж.) • «Эл сыйлаган дарыгер» төш белгиси – профессор Г.С. Суранбаева (2021-ж.) • Башкортостан Республикасынын Саламаттык сактоо министрлигинин ыраазычылык каты – COVID-19 жаңы коронавирус жугуштуу оорусуна каршы күрөшүүдө биргелешкен натыйжалуу иши жана жогорку кесипкөйлүгү үчүн: асс. Ж.И. Макембаева, А.К. Саркина, Шолпанбай уулу М. (2021-ж.)
• Жогорку Кеңештин ыраазычылык каты – COVID-19 менен ооруган бейтаптарга жардам көрсөткөндүгү үчүн: асс. А.К. Саркина, Шолпанбай уулу Мелис (2020-ж.) • Жогорку Кеңештин ыраазычылык каты – жогорку кесипкөйлүгү үчүн: А.Ш. Джумагулова (2023-ж.), Г.С. Суранбаева (2023-ж.), Ж.А. Анарбаева (2023-ж.) • «КР Саламаттык сактоо министрлигинин саламаттык сактоонун отличниги» төш белгиси – асс. Ж.И. Макембаева (2023-ж.) • РАЕнин «Илимге эмгек сиңирген ишмери» ардактуу наамы – проф. Г.С. Суранбаева (2025-ж.)

И.К. Ахунбаев атындагы КММАнын кафедралар рейтингинде Жугуштуу оорулар кафедрасы 4–8-орунду ээлейт.

2020–2021-жылдары жугуштуу оорулар кафедрасы «КММАнын мыкты кафедрасы» сынагынын жеңүүчүсү болуп, «Эл аралык ишмердүүлүк» жана «Практикалык саламаттык сактоого жардам көрсөтүү» номинациялары менен сыйланган.

2024–2025-жылдары болсо «Мыкты окутуучу» наамына куратордук ишмердүүлүк номинациясы боюнча татыган.

2023-жылы Жугуштуу оорулар кафедрасы өзүнүн 80 жылдык мааракесин белгиледи. Иш-чара салтанаттуу маанайда өтүп, ар кайсы жылдардагы окутуучуларды, кызматкерлерди, бүтүрүүчүлөрдү жана студенттерди бириктирди.

Мааракенин жүрүшүндө кафедранын көп жылдык тарыхындагы жетишкендиктери көрсөтүлүп, инфекционисттердин клиникалык жана илимий мектебин өнүктүрүүгө салым кошкон ардагерлердин жана учурдагы жамааттын эмгеги өзгөчө белгиленди.

Бул юбилей муундардын мурастуулугун, салттарды сактоону жана билим берүү менен илимий ишмердүүлүктү мындан ары да өркүндөтүүгө умтулууну баса белгилеген маанилүү окуя болду.

Жугуштуу оорулар кафедрасынын жамааты кафедранын 80 жылдык мааракесинде (2023-жыл)

Республикалык клиникалык жугуштуу оорулар ооруканасы (РКЖО)

Лев Толстой көчөсү  70, +996 312 59 01 54