Шыгым боюнча тандап алган дарыгер деген жогорку наамды алып дарыгерлик ишке киришип жатып, аны менен байланыштуу болгон милдетимди терең түшүнүү менен мен салтанаттуу ант берем:

• - Бардык билимимди жана күчүмдү биздин элдин ден-соолугун сактоого жана калыбына келтирүүгө жумшоого;
• - Кудуретимдин, билимимдин жана жөндөмдүүлүгүмдүн болушунча оорулуунун кыйналуусун жеңилдетүүгө;
• - Улутуна, социалдык шартына, саясий көз караштарына жана динине карабай, адамгерчилик касиетин сыйлоо менен, оорулууга медициналык жардам көрсөтүүгө;
• - Өзүмдүн пациенттеримдин ишенимине карасанатайлык жасабоого жана дарыгерлик сырды сактоого;
• - Дарыгерлик адистиктин этикалык принциптерин сактоого жана дарыгерлик жогорку наамга эч кандай чаң жугузбоого;
• - Азыркы медициналык билимдин жана тажрыйбанын жетишкендиктерине негиздеп ар дайым өзүмдүн билимимди, чеберчилигимди арттырууга, Ата Мекендик медицинанын асыл салттарын өркүндөтүүгө жана сактоого;
• - Кеңешүү үчүн, эгерде аны оорулуунун кызыкчылыгы талап кылса, адис жолдошторума кайрылууга жана өзүм ар дайым жардам жана кеңеш берүүгө даяр болууга;
• - Гиппократтын, Улукмандын, Умай-Эненин анттарын жана уулу Манастын осуяттарын, кыргыз элинин салттарын ыйык сактоого.
• - Мен бул антты өзүмдүн насаатчыларымдын жана элимдин алдында берип жатып аны сыймыктануу менен өмүр бою аткарууга ишендирем.

Ант беремин

Ант беремин

Ант беремин