1976-жылы Неврология кафедрасында нейрохургия предметин окутуу нейрохирургия  курсу катары бериле баштаган.  1985-жылдан тартып официалдуу түрдө 12 саат лекцияга жана 14 саат практикалык окуутуга бөлүнүп, аны профессор Мамытов М. М. жетектеген.

1999-жылдан тартып өз алдынча неврология жана нейрохирургия кафедрасы түзүлгөн жана Мамытов М.М. кафедранын жетекчиси болуп бекитилген. Ошону менен бирге кафедрада Ырысов К. Б., Кулов Б.Б., Кадырова З.А., Оморов Т.М., Абитова Г.К. иштеп келишкен. Азыркы учурда кафедрада 1 академик, 3 медицина илимдеринин доктору, 2 медицина илимдеринин кандитаты эмгектенишкен.

1999-жылдан 2008-жылга чейин №2 неврология жана нейрохирургия кафедралары контракттык окутуунун негизинде  өз алдынча  иштеп келген.

2008-жылдан баштап, бул кафедралар биригип “Дипломго чейин жана дипломдом кийинки нейрохирургия кафедрасы” болуп аталган.

Нейрохирургия предметин окутууда төмөнкү окутуу усулдары колдонулат: дарс окуу, практикалык иштөө, клиникалык оорулардын тарыхы, монографиялар жана маалыматтык колдонмолор боюнча жеке курстарды терең өздөштүрүү, оорулууларды өз алдынча көрүү.

Окутуу программасы дарылоо, стоматология, педиатрия жана чет элдик жарандар факультеттерине ылайыкталып түзүлгөн.

1. Баш-мээ жаракатын аныктоо жана дарылоо.
2. Баш-мээ шишиктерин аныктоо жана дарылоо.
3. Баш-мээ кан тамырларынын дарттарын аныктоо жана дарылоо.
4. Бел омурткаларынын дарттарын жана жаракатын аныктоо жана дарылоо.

Улуттук Госпиталь, Саламаттыкты Сактоо Министирлиги.

Дареги: Бишкек шаары, 720409, Тоголок Молдо кѳчѳсү, 1