Тилдер кафедрасы КММАнын эӊ эски кафедраларынын бири болуп саналат, ал 1939-жылда негизделген. Кафедранын биринчи башчысы улук окутуучу В.В. Ганн-Мюльман (1939-1946 жж) болгон. Кийинки жылдарда Э.А. Пише, А.М. Савруцкая, А.И. Гладильщикова, Турсуналиев Т.Т. кафедранын жетекчилери болгон. П.и.к., проф. Турсуналиев Турдалы Турсуналиевич 1977 – 1998 жылдары кафедраны жетектеген.

Белгилүү усулчу, кыргыз мектептери үчүн англис тили окуу китептеринин автору, чет тилдерди гана эмес, латын тилин да окутуу ыкмаларын өнүктүрүү жана жакшыртуу иштерине бараандуу салым кошкон, эӊ мыкты педагогикалык жана уюштуруучулук жөндөмдөргө ээ болгон.  Окуу процессин оптималдаштыруу жана усулдук иштерди жакшыртуу максатында тажрыйбалуу улук окутуучулар тарабынан жетектелген үч секция негиздеген: англис тили, немец тили жана  латын тили секциялары.

1998-жылы кафедраны ф.и.к., доцент Тулеева Ч.С., 1999-жылдан 2002-жылга чейин  Замалетдинова Г.С. жетектеген. 2002-жылы кыргыз жана орус тилдер кафедрасы менен кошулгандыгына байланыштуу тилдер кафедрасы деп аталып, ф.и.к. Койчуманова Н.М. кафедра башчысы болгон. 2005-жылы кайрадан кыргыз, орус тилдери жана  латын жана чет тилдери кафедраларына бөлүнгөн.    

2005-жылдан тартып кафедраны Билим берүүнүн отличниги, КР Билим берүү жана илим министрлигинин, КР Саламаттык сактоо министрлигинин, КММАнын Ардак грамоталары менен сыйланган, АКШ жана Англиянын алдыӊкы ЖОЖдорунда такшалма курстарынан өткөн доцент Замалетдинова Г.С. жетектейт. 2018-жылы педагогикалык ишмердүүлүк тармагындагы мыкты жетишкендиктери үчүн Кыргызстан мугалимдер конгрессинин диплому жана алтын медалы менен сыйланган.  

Бүгүнкү күндө кафедрада 16 окутуучу жана 1 улук лаборант эмгектенет: чет тилдери секциясында  1 доцент, 2 улук окутуучу,  4 окутуучу жана латын тили секциясында 1 доцент,  2 улук окутуучу, 6 окутуучу.  Секцияларды улук окутуучулар Н.К Байгазиева жана Ж.Ж. Сыдыкова жетектешет.

2010 жылы

2024 жылы

Кафедранын окутуучулары КММАнын бардык факультеттеринин 1-курсунун студенттерине латын, англис жана немец тилдери боюнча сабак өтүшөт.  

Сабактар  ар бир адистик үчүн Жогорку кесиптик билим берүүнүн мамлекеттик стандартына ылайык кафедранын мүчөлөрү тарабынан түзүлгөн жумушчу программалардын негизинде окутулат.

2015-2017-жылдары кафедра «Кесиптик багытта чет тилдерди окутуу» боюнча Темпус программасына катышкан. Аталган программанын алкагында морфкорпуста чет тилдерди үйрөтүү борбору ачылган. Темпус программасы Евросоюзу тарабынан каржыланат жана Чыгыш Европа, Борбордук Азия жана Азербайжан мамлекеттердеги жогорку билим берүүнү модернизациялоо процессин колдоого багытталган. Темпус аркылуу 14 компьютер, сервер, принтер, проектор жана камера-документ алынган. Мындан тышкары кафедра башчысы, доцент Замалетдинова Г.С., окутуучулар Элгондиева Т.А., Тешебаева Д.Т. Темпус программасы боюнча Англиядагы, Эстониядагы, Азербайжандагы семинарларга катышып келишкен.

2019 жылы улук окутуучу Дюшекеева А.К. «Сабаттуу бол» республикалык проектке катышып кыргыз тилинде диктант жазуу боюнча 1- чи даражадагы дипломго ээ болгон.

Жыл сайын латын тили боюнча “Invia est in medicina via sine lingua Latina” урааны астында кафедралык олимпиадалар, конкурстар, студенттик конференциялар өткөрүлөт жана англис тили, латын тили боюнча ийримдер иштейт, алардын мүчөлөрү кафедралык конференцияларга, олимпиадаларга  катышышат.