2026-жылдын 7–9-октябрында Алматы шаарында (Казакстан Республикасы) Eurasia-Pacific Uninet (EPU) уюмунун Пленардык жыйыны жана Erasmus+ кызматташтык семинары өткөрүлөт.
Иш-чарага өнөктөш университеттердин, эл аралык уюмдардын жана жогорку окуу жайлардын өкүлдөрү катышып, эл аралык академиялык кызматташтыкты өнүктүрүү, өнөктөштүк байланыштарды кеңейтүү жана жаңы биргелешкен долбоорлорду ишке ашыруу маселелерин талкуулашат.
Форумдун негизги багыттары:
- жаңы эл аралык өнөктөштүктөрдү түзүү;
- учурдагы кызматташтыкты чыңдоо;
- билим берүү, илимий жана изилдөө багытындагы жаңы биргелешкен долбоорлорду демилгелөө.
Программага пленардык жыйындар, тематикалык секциялар, университеттердин жана эл аралык долбоорлордун презентациялары, постердик сессиялар, ийгиликтүү кызматташуу тажрыйбаларын («Success Stories») тааныштыруу, ошондой эле жаңы кесиптик байланыштарды түзүүгө багытталган тармактык жолугушуулар кирет. Айрым сессияларга онлайн форматында катышуу мүмкүнчүлүгү да каралган.
Катышуучуларды каттоо 2026-жылдын 31-июлуна чейин жүргүзүлөт.
Иш-чарага катышуу акысыз. Каттоо үчүн төлөм алынбайт. Жол кире жана жатакана чыгымдары катышуучулар тарабынан каржыланат.
Пайдалуу шилтемелер:
- Алдын ала программа: http://www.oead.at/almaty-programme
- Каттоо (2026-жылдын 31-июлуна чейин): https://arcg.is/1yXGui1
- Өткөрүлүүчү жай, жайгашуу жана уюштуруу маселелери боюнча маалымат: https://www.eurasiapacific.org/pages/epu-ga2026
EPU жана Пленардык жыйын боюнча суроолор жаралса, EPU Катчылыгына [email protected] электрондук дареги аркылуу кайрылууга болот.
Эл аралык кызматташтыкты өнүктүрүүгө жана эл аралык билим берүү менен илимий долбоорлорго кызыккан КММАнын окутуучуларын, кызматкерлерин жана изилдөөчүлөрүн бул иш-чарага катышууга чакырабыз.