2024-жылдын 2-январында Кыргызстандын Медициналык академиясына Тюменден Россия Федерациясынын өкүлдөрү келишти: Ильина Екатерина Владимировна – “Өнүгүү” жоопкерчилиги чектелген коомунун аткаруучу директору, Бажухин Дмитрий Викторович – “Нефтяник” АК медициналык-санитардык бөлүмдүн башкы директору резиденттерди окутуу боюнча учурдагы кызматташууну талкуулоо максатында.

Россия Федерациясынан келген коноктор ректор И.Кудайбергенова баштаган университеттин жетекчилиги жана эл аралык байланыштар жана стратегиялык өнүктүрүү боюнча проректору Г.Жумалиева, ошондой эле кафедра башчылары, профессордук-окутуучулук курамы менен жолугушту.

Окуу программалары, окуу процессин уюштуруу, дистанттык окутуу, окутуу үчүн экзамендерди өткөрүү ж.б. темаларды талкуулашты.  Андан соң алар кызматкерлердин коштоосунда клиникалык жайларга барышты: тери-венерология бөлүмү жана КММАнын медициналык борбору.  Жолугушуунун жыйынтыгында жалпы жана уюштуруу маселелери жана мындан аркы кызматташуу боюнча иш-чаралардын планы талкууланды.