2024 жылдын 2 ноябрында Тарых жана ата-бабаларды эскерүү күнүнө карата “Ата Бейит” комплексинин илимий кызматкери Медетов А. жана Философия кафедрасынын доценти  Бексултанова Ч.Д. «Массалык репрессия: жаңы көз караштар» деген темада лекция окуду.

Лекция элибиздин турмушунун трагедиялуу барактарына кеңири токтолуп, мемориалдык комплекстин маанисине көнүл бурушту. “Ата Бейитке” баруу – өсүп келе жаткан муундун атуулдук жоопкерчилигин тарбиялоодо жана кыргыз элинин тарыхый эс тутумун сактоодо маанилүү кадам. Экскурсия студенттерге терең таасир калтырып, аларды Кыргызстандын тарыхын изилдөөгө, терең түшүнүүгө шыктандырды.

Философия жана коомдук илимдер кафедрасынын кураторлору Бексултанова Ч.Д., Акматова Н.С., Сатыбалдиева Р.А., Исмаилова А.К.,  куратрдук тайпалар мене Дарылоо факультетинин 1-курсунун 7, 8, 9, 19 куратордук тайпалары менен биргеликте «Ата Бейит» мемориалдык комплексине барышып, массалык репрессиянын курмандыктарынын элесине таазим кылышты.

Экскурсия улуттук тарых тууралуу билимди тереңдетүү, патриоттук сезимди калыптандыруу жана кыргыз элинин өткөнүн урматтоо максатында өткөрүлдү.