Университеттин жашоосу
28 Октябрь 2025
И. К. Ахунбаев атындагы Кыргыз мамлекеттик медициналык академиясында «Медициналык алдын алуу иши» жана «Стоматология» факультеттеринин студенттик катарга кошуу салтанаттуу иш-чарасы болуп өттү.
Иш-чара жылуу жана кубанычтуу маанайда өтүп, жаштардын жашоосундагы жаңы, маанилүү этаптын башталышын белгиледи.
Салтанатка академиянын ректору, профессор Индира Кудайбергенова, окуу жайдын администрациясы, факультеттердин декандары, академиянын кызматкерлери катышышты.
Алар студенттерди жаңы окуу жылы менен куттуктап, ийгилик, тырышчаактык жана дарыгерлик кесипке берилгендик каалашты.
Студенттер медик-студенттин анттарын берип, өлкөнүн эң байыркы медициналык жогорку окуу жайынын студенттери деген ардактуу наамды абийир менен алып жүрүүгө убада беришти.
Бул иш-чара алардын билимге, изденүүгө жана элдин саламаттыгы үчүн кызмат кылууга багытталган жаңы жолунун жаркын башталышы болду.
