Иш-чаранын салтанаттуу ачылышы КГМАнын ректору Индира Кудайбергенованын катышуусунда өтүп, ал мындай демилгелер келечектеги дарыгерлердин клиникалык ой жүгүртүүсүн, илимий потенциалын жана эл аралык кызматташуусун өнүктүрүүдө маанилүү экенин белгиледи.

 

 

Куттуктоо сөздөрү менен ошондой эле чакырылган коноктор — «Факультеттик педиатрия» кафедрасынын башчысы Эркин Алымбаев жана медицина илимдеринин доктору, профессор Камчыбек Узакбаев чыгып сүйлөп, практикага багытталган билим берүүнүн жана тажрыйба алмашуунун маанилүүлүгүн баса белгилешти.

 

 

Педиатрлардын X Эл аралык оюндарына Казакстан Республикасынын, ошондой эле Кыргыз Республикасынын алдыңкы жогорку окуу жайларынын командалары катышты: Кыргыз-Россия Славян университети (КРСУ), Ош мамлекеттик университети (ОшМУ) жана Кыргыз мамлекеттик медициналык академиясы (КГМА).

 

 

Мелдештин жүрүшүндө катышуучулар татаал клиникалык тапшырмаларды чечүү жана илимий талкууларга катышуу аркылуу жогорку деңгээлдеги даярдыгын, клиникалык ой жүгүртүүсүн жана командада иштөө көндүмдөрүн көрсөтүштү.

Жыйынтыгында биринчи орунду КГМАнын командасы ээледи, жеңишиңиздер менен куттуктайбыз!

Ошондой эле белгилеп кетсек, Кыргыз педиатриялык кардиология ассоциациясынын төрагасы, балдар кардиологу Данияр Аматов бул оюндардын идеясынын автору жана уюштуруучусу болуп саналат.