Иш-чара мамлекеттик кызматкерлердин укуктук аң-сезимин жана укуктук маданиятын жогорулатууга, коррупцияга каршы жүрүм-турумду калыптандырууга жана укуктук нигилизмди жоюуга багытталды.

 

 

Семинарлар Кыргыз Республикасынын Президентинин 2024-жылдын 5-июнундагы №137 Жарлыгы менен бекитилген 2025–2030-жылдарга коррупцияга каршы аракеттенүү боюнча мамлекеттик стратегияны ишке ашыруунун алкагында, ошондой эле Министрлер Кабинетинин 2026-жылдын 27-январындагы №29 токтомуна ылайык өткөрүлдү.

Семинардын негизги максаты – коррупцияга каршы агартуу иштерин күчөтүү, мамлекетке жана коомго ак ниет кызмат кылуу принциптерин бекемдөө жана коррупциялык укук бузуулардын алдын алуу болду.

 

 

Иш-чаранын жүрүшүндө катышуучулар коррупциянын алдын алуунун заманбап ыкмалары, мамлекеттик кызматтагы коррупцияга каршы стандарттар, ошондой эле Кыргыз Республикасынын мыйзамдары, анын ичинде «Коррупцияга каршы аракеттенүү жөнүндө» мыйзамдын негизги жоболору менен таанышышты.

 

 

Өзгөчө көңүл коррупцияга каршы стратегиянын максаттары жана милдеттери, өлкөдөгү бул багыттагы ишмердүүлүктүн натыйжалары, коррупциялык укук бузуулар үчүн жоопкерчилик жана коомдо коррупцияга чыдамсыздык маданиятын калыптандыруу маселелерине бурулду.

Бул семинарлар катышуучулардын маалымдуулугун жогорулатууга, мамлекеттик институттарга болгон ишенимди бекемдөөгө жана коррупциянын алдын алуунун туруктуу системасын түзүүгө өбөлгө түздү.